Sunday, May 22, 2011

ओ प्रिया . . .!

गप्प गप्प गाणी ऐकत 
चालताना विना ब्रेक 
तुझी हाक कानी आली,
बस, जरा चहासाठी टेक.

वाटले आहोत झाडाजवळ ---
रंगहीन गर्दीने आली भोवळ 
तुझ्यासाठी डोळ्यांतून ओघळ 
भास - अभासांचा होय गोंधळ, गोंधळ

मागे लागतात कुत्रे 

त्यांची पूर्वीची सवय 
संगे झेलण्याची सय
का ते फक्त वेडे वय?

छत्र्या फिरवत डौलाने 
चालूया परत 
गाणी म्हणूया मोठ्याने 
आपल्याच नादात 

कुठवर आहेस?
कधी येशील परत?

- स्वाती मे २२, २०११.

No comments: